Friday, April 27, 2007

Sunday, April 22, 2007

xezal

tutê leyla abla xezalê, ti bixer hamiya dinya. inşallah bi dadî u babî tigo bibe wey.

şivan vano:

Xezal Xezal Xezal Xezal de hayê hayê...Îro minê dîbû mala Xezala min barkir çû zozana oy cefayêŞewtê kulê dilêm pir bûn Xezalê... hayê...Ezê van kulê dilêm’ heya dare bûye j’tere bibimCem aşiq û cem xozana.. oy cefayê..Gelî gundyan û cîranan ma hunê qey nizaninMa rûkê Xezala min sor bûne ji kut û matê lolo... ramûsanan oy XezalXezala min xeyidiye gelî gundyan û cîrananEzê nizanim va qîza seba çiye hoy.. nayê rayêXezal biyan e oy Xezal, Xerîbî zor e oy cefaBelê meryê xerîb li welatê xerîbiyê kor e Xezal Îro minê bala xwe didim çiyayê Sîpanê Xelatê berfê lêkir oy XezalDîsa min dît bilbilê malxirab di quntara çê de hêlîn çêkir oy cefayêSala par heta van çaxana Xezal ya min bûSala îsal mêrê heram rabû lolo dawe lê kir..Xezala min biyan eGelî gundyan û cîranan ezê nizanim va qîza seba çiye hoy.. nayê rayê

şimşimokê

namey ena çuçike çara yeno ez nêzana. yabelê ez zanaki ena çuçike biroc nêgeyrena u nêeşkena veciyo binê ticî. u reyna ena çuçike kora, yane verni xu nêvinena. gava perena zî, zey radarî bi pelgenâ vengî zana vernicayde çi esto. u hemzî gava xu nana êrdwa-bi rasti erd nebeno gere erdra berzbo- gere serîser bivindero yane xu linganê xura bidalakno.

Saturday, April 21, 2007

nejbir

ne ji bir,

ji
bîr

yanê vano kî :

ti
vîrê
kiçîra

şina.

yanê vano kî :
kiçi

eşkeno
to
bikero
xu
vîra.

zerdali

dewde fekê beryaye ma dê darê ke zerdalî bi. zerdaliyerê. kiçî eşkayne penceray keyira zerdali tera bikero. tâm u veşicinan hamazi fekemindew. enka homa zano cay cede çi esto çi cinyo, keye u ardde insanen weyşay, go darê cay xudebo!

Friday, April 20, 2007

uğur

nameycê uğur bî.
12diyes serrê bî.
canêcede 13hiriyes habi guley bî.
tut bî.

reben im reben im reben im........

21.11.2004 mardin, kızıltepe
uğur(12) u babece(30), babecê serê kamyonedew bar beno u ano, a şandê saatê dorê 5panc de, bi telikane xu, key bi rayi, batani, 
başna u heni çiw anayinan bene kamyonê. kamyone ke cinanra
kase 40çewres-45çawresupanc metrey rawero. 
batani matani benê kamyonede nanero u gava hendi fetelenê heti keyiwa, 
yazi hama ecane, venge tifing u demançan yeno.  
dade uğurî tersena u şina bahçey binî, gava kona teber uğurî vinena,
polisi uğur çokan ser daw runiştişi. dimara reyna venge demançan yeno, badocoy asker u polisi yene vere cinan, keyede geriyay, u açaği fam kena merdewu tutecay hamey kiştişi. hemzi nizdira, demançey nay pa.

Wednesday, April 11, 2007

musa anter

merdim çika biwano endêkê çi zano.
la rareyan merdim poşman beno ki, heni çiyan zano.
vane ki:
nêzaniya min, rehetiya cane min.

musa anter, yanzî apê musa. bi porê xuw sipe bi destê dewletê hamê kiştişî. zaf çî zanaynê u egurki nêzanayiş vazenê ê rehet nevarda. yabelê egir nêzanayne go jo zi e nezano.
bizane, zey musa anteri u bira kê rehet mêbe.

Wednesday, April 04, 2007

1990(hezarunewseyuneway)

şakiro kilamê xu de (nameycê bavê silahdin o) vane "reben im reben im reben im" reben: wexto gurki der heqê çikeyde deste kiçira çike nero, kiçi nêeşko çike bikero ew wexto.

kahweyke kiçkek, kate diyinandew, zerey binaykede. tede insani kağıde kay kene, xeberi dane, hewenê yari xu jobinan kenê. wexteke bê bext. serre 1990hezarunewseyuneway kurdi ti aşkere kadexew u dewlete bi hergu şekli vazeno ê ortera bidaro we. bi naman, bi wengan, bi rengan...

can ! insan wexto merdimê key xu keno vini, yazi ambazê (heval) xuro kono duri , yazi gava canê joy bideco? bibo neweş? yazi insaneke bimro? bimro! merdiş!

destane kiçide tutêkey kiçî şoro rahmet, çi ka zoro? la eni meseley kurmancanrê zaf pili niye. heta en ka zaf rayan ana biyo u go anazi dewam bikero. heta heşema bero ma ser. "ey xwede edin bese lo"(ey homa hendi beso looo)...

ma reyna zerey kahwedey, 4çar teni runiştey. heme ambazê jobinanê, ayni dewray. tedir biye pil, tedir tope kaykerdê, şiye verê heywanan, kewte golo bêbin, golê şiwanan, tutin kerdo wey, cixara anto, daw pero, haredyay jobinanra, reyna hamey tever. u eno wextezi teverakey. kale çi kene? çi ferx keno piçeke badocoy go inanra jo bi lingane xu miyane inanra şoro merg!

wext 1937hezarunewseyuhirisuhewt dayikêke zerey mağarada bi destane xu feke bebekexuyê hama 40çewresê ce nevecyaw pêgena. şedênena. pe nêbermo. pe venge xu nêkero. bebik veyşano! şit vazeno. teyşano! şit vazeno. la ew nebermo go kam bibermo? gelo heqê kami esto bibermo ena dinyadê?

ma reyna serre 1990hezarunewseyuneway kahwedey. ambazî nê hewenê nê zi bermenê, gelo kale çi kenê hergu joy wayire keyey key. vayirê lac u keynanê. pirekecinan estê. ma va ya ambazê jobinanê, dewice jobinanê, u tera merdimê jobinanzî estê. hemzî nizdê jobinanê. çi ferk keno ki? ha merdim ha ambaz? yazi gere gunê kiçi jobinan bigiro? nê nê ferk nêkeno. ha ambaz yazî merdim. birayê eni ambazanra joy serê koydewo. qeybi insanetî xu, kurditî xu şîyo serê koy. şer keno. keybi enajoy asker u çaşhî ro ci geyrenê. u hamay heta zerey eni kahwey. yenê nizdi masey inan. ambazî fam keno go çike bibo, yabele nêeşkene xu tebidê, benê zey sî. u belkizi homayrê dua kenê kî çikew pis nebo. çaşhî miyane ambazande vane ewgurki birayce serê koydew va madir bero teber. ambaz vurzeno we payan. haneno dor u vere xura. jo xu tenedano. ters! ters çikayke çikew piso. merdim ewçaq beno reben. merdimi ambaze ci şaş manenê go sekerê, çende tenê? damençey? çaşhî? asker? dewletê? ters? la wext vindeno? nê! gênê ambazi benê teber, ambazanra jo dima şino, yabelê çaşhi damançane qu ro ê kenê berz u vane: egir ti bêre ma go towanin.

wext 1937 dor u vere mağarara askeri şiye, yazi ma daha rast vacin tersê mergi, rebenî merdimi şiye, vengê bebikî biryaw. hes tera nêveceno.

wext 1990 roco bin, binê bedene amedide merdimêkê bi kardan hamew birindar kerdişi, u erziyaw binê bedeni, ne merdo awlocoy birindar biyo,
nalinê ci şiyo dor u verêce, yabele jo nêeftaraw şoro baniyo tera kamo? çiyo? bişewe çaşhi yenê hanenê tera sebiyo senêbiyo? ambazê ma ganew, nalinê tera şina, la gava bi damençan nane pa, açaği hesece birêyeno. zey bebikî.

wext 1937 dadê bebiki destê xu feke bebikîra darena we, bebik be vengo... merdo.
wext 1990 tirmê ambazi dano keyeycê, ambaz be vengo... merdo.

ne dadi, nezi ambazî dinyade go eni çi nekerê xu vira. şima zi mekere xu vira. ma zi.


(dadi xu kişena, ambazi her gu roj mirenê...)

reben im reben im reben im...........