Dewij Û Dizdî

Senay Armagan
Dewij Û Dizdî



Fri, 03 June 2005 20:44



Beno, nêbeno yew (jû) dewij beno. yew hera xo yew
kî (zî) biza xo
Bena. dewij nişeno hera xo, leyê xo de bize
gêno (cêno) şono şaristan
(bajar). vilê bize de yew zengil (zingil) beno.
dewij lak erzeno ro vilê
(milê) bizê, xo dime ra anceno. zengilê bize ke
hejîya, o vengê zengilî ra
Bawerîya xo ano ke bize ey (dê) dime ra ya. no
şaristan de şono cayê
Bazarî. hîrê dizdî nîyadanê ke yew dewijo pejmurde
ame. weşa dizdan
Ra şono.
Dizdo yew vano:
-ez biza nê dewijî tirena (tirawena).

O bîn vano:
-ez hera ey tirena.

Ê hîrine kî vano:
-ez kincanê (cilanê) ey tirena, ey rût û şilt
verdana.
Dizdo verên xo şevekneno, hebê bi dîqet
şono nêzdîyê (nezdîyê) bize,
Zengilê bize gêno, bi doçikê here ra girê dano;
bize gêno, rayîrê (raya)
Bînî ra şono.

Ti nêvana here ke xo lewna, zengilî ra veng
vecîno, dewij bawer keno
Ke bize nêzdîyê ey de ya.

Dizdê dîyine (didine) şono leyê dewijî, vano:
-ti bîya xex çi (çik) yo? no çi yo to wina (nîya)
kerdo? însanê bînî
Zengil erzenê vilê heywanî, to berdo eşto re
doçikê here. no senê qayde
(qeyde) yo? mi ra vaje (vace).
Dewij xo pey de wina qayît keno ke bize çin a.
dano bi xo ra (ro) û
Qîrreno.

Dizd vano:
-mi yew mêrik teba yew bize dî, no rayîr ra
şîyêne. ti hebê ecele
Bikerê, ti xo resnenê ey (ci).
Û yew rayîro bîn misneno dewijî.

Dewij vano:
-ti bi heqî (hûma) kena hay re hera mi be, ez
şorî biza xo bigêrî
Bîyarî.

Dizd vano:
-çimanê mi ser. ti şo biza xo bîya. qe meraq
meke.
Rayîro ke dizdî musnayo dewijî dewij o rayîr ra
şono. dizd kî here
Gêno rayîro bîn ra şono.

Dewij şono o sere, êno no sere, biza xo
nêvîneno. bêçare maneno,
Gêreno ya (agêreno) êno. nîyadano ke here kî çîn
a, dano bi xo ra. xo-xo
De qisey (qesî) keno, hetano ke rastê yew merdimî
(mordemî) êno. ti
Nêvana o merdim kî dizdo hîrêyin o. no dizd verê
yew qûye (bîr) de yo.
Dano xo ra û berbeno (bermeno). dewij xo-xo de
vano (…)herhalde derdê
Nê merdimî ê mi ra zafêr o(…), vano:
-bira, ti qeyî berbena?

Dizd cewab dano vano:
-kîsikê mi de des hezarî bî, mi kîsikê xo da bi na
qûye ra.
Dewij xo-xo de vano halê nê merdimî halê mi
ra berbat o. herê min
Û biza mi hona (hima) nêkenê çend sey panqnote
(panote), ey des hezarî
Kerdê vîndî(...).

Dizd dewijî ra vano:
-eke ti bikewê (bukê) zerê qûye û mi rê kîsikê mi
bîyarê, ez panc sey
(pon se) panqnote dana to.
Zaf weşa dewijî ra şono. yew bi di
nêkeno, kincanê xo veceno, dizdî
Ra vano:
-hay re kincanê mi vinde, ez kewena (kuna) bi binê
qûye, kîsikê to
Vecena, to rê ana.

Dewij keweno zerê qûye, kîsikî gêreno (cêreno).
dizd kî beno kincanê
Ey ra û uca (uza) ra durî keweno.

Dewij binê qûye de çîyê nêvîneno, vecîno. veng
dano, kes cewab
Nêdano. qayît keno ke kincê xo çin ê, dizd kî
şîyo; sade yew çogana xo
uca ca verdaya. dewij beno çogane ra (ro), henî
rût û şilt şono bi zerê
Bazarî. însanan ke vîneno, qîrreno, vano:
-va (wa) kes mêro nêzdîyê mi! kam bêro nêzdîyê mi,
ez dana piro!

Uca yew merdim vano:
-ti bîya xex (xêx)? no çi yo ti wina kena?

Dewij vano:
-ez nêbîya xex, ez tersena. ez tersena ke peynîya
peynîyan de însanî
Mi kî bitirê!

Pîre Û Dîk

Senay Armagan
Pîre Û Dîk



Mon, 06 June 2005 12:52

Pîre eywane rona (ruwena), sereyke terne erd o
vînena. terney gêna
Serê tefayî wa nana ro. dîkêke şino nukule dano
pero. pîre zî gezîke
Dana fekê qinê cê ro. dîk geyreno a, nukul dano
çimê pîre ro. dîk û pîre
Konê pê de, şinê verê qazî. qazî vano:

-îfadanê xo (xu) bidê.

Pîre vana:
-min eywane rite.

Qazî vano:
-to pakîtî kerde.

Pîre vana:
-min sereyke terne erd o dî.

Qazî vano:
-ew qismetê to bî.

Pîre vana:
-min girot serê tefayî de na ro.

Qazî vano:
-to cay cê zana.

Pîre vana:
-dîk hame nukule da pero.

Qazî vano:
-ê bêtehmî kerde.

Pîre vana:
-min gezîke da fekê qinê cê ro.

Qazî vano:
-to terbîye kerd.

Pîre vana:
-dîk geyra a nukul da çimê min ro.

Qazî vano:
-çimê to kil kerd.

Dîk heredêno û şino, rastê dûpişkî (dimpiştikî,
aqrebî) yeno.

Dûpişk vano:
-dîk alûz se ra (kotî, ça)?

Dîk vano:
-mevace! dîk alûz!.

Dûpişk vano:
-ez vacî çi?

Vano:
-vace! lacê mîrî!.

Dûpişk vano:
-lacê mîrî se ra?

Vano:
-ez şina xor û xoristan, ana leşgero (leşkero)
giran. pîra desthevîr,
Şemaq da bin gohê (goşê) lacê mîrî.

Dûpişk vano:
-ez zî to dir yena.

Şinê, rastê silopê (gota) silî yenê. sil vano:
-dîk alûz se ra?

Vano:
-mevace! dîk alûz!.

Sil vano:
-ez vacî çi?

Vano:
-vace! lacê mîrî!.

Sil vano:
-lacê mîrî se ra?

Vano:
-ez şina xor û xoristan, ana leşgero giran. pîra
desthevîr, şemaq da
Bin gohê lacê mîrî.

Sil vano:
-ez zî to dir yena.
Şinê, rastê marî yenê.

Mar vano:
-dîk alûz se ra?

Vano:
-mevace !dîk alûz!.

Vano:
-ez vacî çi?

Vano:
-vace! lacê mîrî!.

Vano:
-lacê mîrî se ra?

Vano:
-ez şina xor û xoristan ana leşgero giran. pîra
desthevîr, şemaq da
Bin gohê lacê mîrî.

Mar vano:
-ez zî to dir yena.
Şinê, rastê derzey telîyan yenê.

Derzey telîyan vano:
-dîk alûz se ra?

Vano:
-mevace !dîk alûz!.

Vano:
-ez vacî çi?

Vano:
-vace !lacê mîrî!.

Vano:
-lacê mîrî se ra?

Vano:
-ez şina xor û xoristan, ana leşgero giran. pîra
desthevîr şemaq da
Bin gohê lacê mîrî.

Derzey telîyan vano:
-ez zî to dir yena.
Şinê, rastê baringanî (bangêre, loxe) yenê.

Baringanî vana:
-se ra dîk alûz?

Vano:
-mevace !dîk alûz!.

Baringanî vana:
-la ez vacî çi?

Vano:
-vace !lacê mîrî!.

Vana:
-lacê mîrî se ra?

Vano:
-ez şina xor û xoristan ana leşgero giran. pîra
desthevîr şemaq da
Bin gohê lacê mîrî.

Baringanî vana:
-ez zî şima dir yena.
Şinê, rastê vergî yenê.

Verg vano:
-se ra dîk alûz?

Vano:
-mevace !dîk alûz!.

Verg vano:
-la ez vacî çi?

Vano:
-vace !lacê mîrî!.

Vano:
-lacê mîrî se ra?

Vano:
-ez şina xor û xoristan, ana leşgero giran. pîra
desthevir şemaq da
Bin gohê lacê mîrî.

Verg vano:
-ez zî şima dir yena.
Heme pîya yenê fekê beryay (berê, keyberê) pîre.
hewnênê (hawnênê)
Ku pîre rakewta ya, fekê beryay de şêwrê xo kenê.

Dûpişk vano:
-ezo şinî bikoy (bikewî) binê cay (cila) ay û pede
dî (pede cenî).

Silopê silî vano:
-sekûy kuçike ro min (min rê).

Mar vano:
-estûne ro min.

Derzey telîyan vano:
-fekê beryay ro min.

Baringanî vana:
-serê banî ro min.

Verg vano:
Teberê banî ro min.

Dîk vano:
-serê sergoy ro min.

Hergû jo (yew) şinê konê cay xo, cay xo gênê.
silopê silî şino serê
Sekû. mar şino xo pêşeno ro estûne. baringanî şina
serê banî, seranî
Beryay de, lewey sifirnî de vindena. derzey
telîyan xo fekê beryay de
Fîneno ra. verg ê (ey) ra nat vindeno. dîk serê
sergoy de vindeno. dûpişk
Şino kono binê lihêfî û dano pede. canê pîre
veyşeno, zarî ginena ci.
Wirzena we, destê xo serê sekû de ro maşa çarnena
yanê (‘enê) çila
Tafîno, destê cay kono mîyanê silopê silî. destê
xo sawena estûne ra
Yanê pak kero, mar dano pede. vazdana teber, kona
mîyanê derzey
Telîyan. yanê wirzena we, baringanî cor de ginena
mîyanê paştê cay ro,
Ginena ‘er ro. yanê hêz dana xo, verg vano
!elp! û ay weno. dîk zî serê
Sergoy de pencanê xo kono, vano:
-qî qî-qî qî qî! min qina qazî dî*.



* na sanike (fistanike) tayê dewanê licê -sey
zenge û licoke- de, mintiqaya
Pêşê kevirî de yena vatiş.

link