ronya, roşnay çimanê min.

8.8.2020, roşnay çimanê min hamî dinya. hama hama vace 3hîrê kilo u nim bî, serê belgey rojbinîde 51pancasujo cm nuştêne. çimê cay, zincê cay, feke cay, porê cay, paluçê cay, giştê cayê piçukekî, destê cayê kickekî, gîştê lingê caya piçuceke şîbî serê a bîne :), zey gîştê buwarê u dadê min :). wel hasil u kelam. ezo hendî roşnay xu tenî ticî ra nê, ronyay xu razî bigirî. ti, bi xêr hamîya keynay mina rindike.

daymale : sembol vs licoke

sembol?

ma goş bidin daymale : 

awilocoy paleyî kerdêne.

veng yeno to? ma badocoy bîr da a, ma kerd awî.

ma kerd awî, nawê ma xurê bamî ramitî. ma bamî ramitî, ma xiyarî ramitî, ma, tora vacî, çandêle ramitî, ma tarî ramitî, enî ma xurê girênayne werdêne. de hema veşîbî.

babê xura vacî

mend, ma tîyaro şî hacaro hamey, ma va yarabbî ma seker? wallahî etya marê nê beno.

ma wuştî we, qewtî çol u çolistanî ma hamey hamey resay sembol.

sembol.

sembol babîyanê ma, qalikanê ma zedey askerî joy sembol nêdîbî. hameyne gava vatê sembol, ma vatê yarebbî nameycê çiyo, eno sembol helbet weşo.

nawo înanzî vatê, vatê feko fekê çemî, vatê kiçî şino, ser u serê çemî,  vatê awecê bahra. ma goşt ver u ver bahrî pewcenê, ma goştê xu wenê, ma tora vacî, kêf kenê.

ma va yarabbî ma mazî evca bidiyayne, merg emrê homayrê va agavî ma bimerdêne.

ey ma va gelo sembol seyîno, ma hamey(kewtî) sembol.

gava ma şî ser u serê bahrî, gava ma hanîyay goştê cêra, goştê cê hama nan u awe licoke nêkeno, dewêma nêkeno.

bîlesebe bî.

ma canêxu çurîmiş kerd lawo ma naro sembolî ser.

welle bi raxmê homay bi agavî,

eg ma binê bino darê debî, ma xurê tuy werdêne. eşkicê tuyan ma werdêne ma mendêne zey siyan, ma bê derd u bê kul bî.

ma enkazî hamey tîya yarabbî, de hayyy,

ti çi borê raykê ti kona teber dewêto kona to vîr.
şun u mekano verîn kono kiçî vîr.
rezê ma kono ma vîr,
pawitey ma konê ma vîr.
gulh u beyibê ma konê ma vîr.

nê hendî fistanikê verînî yenê,
nê hendî wero verîn yeno ma ver,
nê hendî ma tamo verîn vînenê, lacê min.

ma vanê,

axx axxx, axx ax
ma ew nan u doy xu bi werdêne,
binê "bido" dare de,
miyanê hêganê xu de, wa ma ancozî bi merdêne.

ma hamey kewtî etya.

de marê zaf geduk yeno ha!
marê geduk yeno!.

 ----daye kewte miyan, va : licoke vîrê cayra nê şino. daymale dewam kerd----

nê şino, vekodinî çîke çînîyo, hema licokê vîrê mira nê şina.

madew verîn weşo.
enkayîn zî? welle lawo, 
yanê ma tam tera nêdî, de şima enî kicî, de mend inşalla şima do bigîrê.

....
min nuşt la şima eşkenê etîya ra goştarî cê bikerê zî.