çimey

çime,

merdim bi çiman dinya nas keno, pê çiman dor u verê xu vîneno, merdimanê bînan şinasneno, dar u ber vîneno, weşikî bi çiman yeno diyayîşî, pîsitî bi çiman yeno diyayîşî. namey çiman, ez vanekeyde: aw gava bine ardîra vecêna, gava newe serê ardî, yanê dinya vinena, zegur çime insanira veciyo, zegur bibo çimê insanî, qeybi enejoy namey çiman vinayîş diyayişra yeno.

çimey munzuri, ovacikte nezdî dersimîdey.

serê rayiyê çimandê,
koykê sero, henî si estê: zegurkî henî insanî dawetera berê u ewca bibê sî, kî gorey vatişanra eni merdimî gava şinê bukê anê rayira jo zewtan sero dano u heme tedîr ewca benê sî. tera wane si dawetê.

rayi sero, ver u verê rayî çemê munzurî pak u zelal hameynê war. bi awê munzuri dar u ber bibî şîn. bî enî kaîdî rayî bê derd u kul kedêna.

ma gava hamey nizdê çiman, ma arabanra bî peye, qeybi gurkî (seba) rayî ser arabey vinderteyê u rayî hamîya girotişî. gorey vatişanra çimey binê ziyarezî, yabelê serê çimandê însanan bîra şimîtênê u hergu komêke xurî hagîrekê vistbî ta, pê goşt bipewcê, dor u ver bîbî toz u duman. serê ziyarede bîra u duman... qê weş nêeysayne...

awê munzuri çimanra veciyaynê,
acêêêp çîkê aw miyanê siyanra vecêna? kam vecêno senkî vecêno? gava kiçî newe çiman bivîno heşê kiçîra enî çî verenê ra. min vatênê qey avê çeman, serê koyanra yêno, gava zimistanî vewrê halêna bena aw u kona zerrey çemî... dewêmadezî zey çirrêxalti, zey serrêgole, zey yenîbeyranî aw binê ardira veciyaynê. yabêle enî aw qeybi şimitişî bî, heşêminde anakî ca girotbî. etîya awagurkî çimanra vecena yenê pêser benê tope u çemê munzurî vecêno orte.

awêka cemed, awêka zey buzî, awêka serdinê... gava kiçî linganê xu keno miyan lingê kiçî benê zey textikî, cemedênê...