xerîb u şaşoloz

bişewe saate 11:30jondesunîme ez konserra yane, metrobusra bîya peye, cagurkî ez bena peyê u miyanterê kemade kase 200disey-300hîrêsey metre ya esto ya çînîko. ez hîdî hîdî hameyne hetê keyîwa u hanîyayne rayîra,

E-5 rayika, hergu gave piriya u tera vane otoban yanê merdîm peyatî nêeşkeno biko zerreyê ce. arabey zey hagîrî şînê u yenê. dakkeyke ma têder bimarin çende xezê araben eşkenê tedîr şorê. heto gurkî ez rayîra şîna habekê rayîya talî esta, serê a rayîra hetê ke şîyayîş u heteke hamîyayîş dî xezê araben eşkenê şore. verê a rayîde, rayîka 3hîrê xezê esta heme hete şîyayîşî dey. badê a rayîra 2di xezê estê qeybi metrobusan, badîra reyna 3hîrê xezî qeybî hetê hamîyayîşî, badîra reyna 2di xezî rayîy talî. 2di+3hîrê+2di+3hîrê+2di=12diyes xezî, u hergu xezanra zî dakkera rayke arebeyke şîno...

Çîw xerîb çi bî?

gava ez hameyne keye, min hende dî terpa repê lînganê joy peynî minra yeno, ez gava hanîyawa peynî xura, lacêkew ciwan bi vazdayîşan rayîyo talîro derbas bî, (mîyanterê hergu rayîyande sêncêkew hasinîn esto berzbunî cê kasê 50pancas-60şeştî santîmîyo(cm).) u xu serê sêncê rayîra eşt serê rayîya bîne. qe nêhanîya arebey estê yanê dapero a rayîrazî derbas bî, ez cay xu kut menda, şaş menda. arebey zey hagirî derbas benê. başbî nêgunay tutîro. dîmara çilda serê rayî metrobusî, başbî a gava nê hetê hamîyayîşîde nêzî hetê şîyayîşîdê metrobus çînêbî. u xura tut zî nêhanêno çîke esto ya çinîko. badîra çîlda rayîya bîne evcaro zî bi vazdayîşan derbas bî, reyna êhanîya çîkê yeno ya ne u a rayîzî pirî arebeybî, u ewcara zî çilda sere rayîya bine.

welhasilukelam tuto ma sipusexlam resa a kîşta bîne. jo mira vaco ez tore 100se milyar peran dana anakî şo a kîşte bîne, ezo vacî nê. tut bê qeza u bi bela resa a kîşta bînê... ez bawer kena 1000hezar raya bîne kîçî anakî bi vazdayîş u bi nêhanîyayîş biwazo şoro a kîşta bîne, kîçî go 1000hezar ray zî binê arebeykede bipelaxîyo...